భారత్-చైనా సంబంధాల్లో కీలక ముందడుగు..: చైనీయులకు తిరిగి టూరిస్ట్ వీసాల జారీ

భారత్, చైనా సంబంధాలలో కీలక మార్పు చోటు చేసుకుంది. ఐదేళ్ల విరామం తర్వాత చైనా పౌరులకు టూరిస్ట్ వీసాలను తిరిగి జారీ చేయాలని భారత్ నిర్ణయించింది. 2020లో గల్వాన్ లోయలో జరిగిన ఘర్షణల తర్వాత నిలిపి వేసిన ఈ వీసాల జారీని పునఃప్రారంభించడంతో ఇరు దేశాల మధ్య సంబంధాలు మెరుగుపడే అవకాశం ఉంది. ఈ నిర్ణయం పర్యాటకం, వాణిజ్యం, ప్రజల మధ్య సంబంధాలను మరింత బలోపేతం చేస్తుందని నిపుణులు భావిస్తున్నారు.