మరోమారు తెలుగు రాష్ట్రాల సీఎంల భేటీ... ఎందుకోసమంటే...

తెలుగు రాష్ట్రాల ముఖ్యమంత్రులు మరోమారు భేటీ కానున్నారు. తెలంగాణ ముఖ్యమంత్రి రేవంత్ రెడ్డి, ఆంధ్రప్రదేశ్ ముఖ్యమంత్రి చంద్రబాబు నాయుడుల మధ్య గతేడాది జూలైలో హైదరాబాద్‌లోని మహాత్మా జ్యోతిబా పూలే ప్రజాభవన్‌లో సమావేశం జరిగిన సంగతి తెలిసిందే. ఈ సమస్యలపై ఇరు రాష్ట్రాల మధ్య నెలకొన్న వివాదాలు, సమస్యల పరిష్కారంపై చర్చించారు. ఇరు రాష్ట్రాల మంత్రులు, అధికారులు కూడా ఈ సమావేశంలో పాల్గొన్నారు. ఏడాది తర్వాత మరోసారి ఇరు రాష్ట్రాల సీఎంలు సమావేశం కాబోతున్నారు. తెలంగాణ, ఆంధ్రప్రదేశ్‌ల మధ్య జలవివాదంపై వీరు చర్చించనున్నారు. కేంద్ర జల్‌శక్తి మంత్రి సీఆర్ పాటిల్ నేతృత్వంలో ఈ సమావేశం జరగనుంది.